Sound of Freedom (2023) Sinhala Subtitles | සිංහල උපසිරසි සමඟ

“මෙය සත්‍යය කතාවක්ද මත පදනම් වී ඇත” එහෙම නැත්නම් ඉංග්‍රීසියෙන් කිව්වොත් “Based on a True Story” කියල ෆිල්ම් එකක් පටන් ගන්නකොටම වැටෙනව කියන්නේ ආයේ ඉතිං ඒ ෆිල්ම් එක ගැන කියන්න දෙයක් නැති බව ඔයාල දන්නවනේ? මේ අරගෙන ආවේ නිකම්ම නිකම් ෆිල්ම් එකක් නෙමෙයි “අදහාගත නොහැකි සත්‍යය කතාවක්” මත පදනම් වූ ෆිල්ම් එකක්.

මේක හරිම මානුෂීය සිනමාපටයක්. අනේමන්දා, හරියට බැලුවොත් මානුෂීයමද කියලත් හිතෙනවා. ඔයාල දන්නවද ලෝකේ වයල් සේවය නිත්‍යානුකුල වෙලා තිබුණු කාලෙටත් වැඩියෙන් වහල් සේවය තියෙන්නේ වර්තමානයේ බව? ඒ වහල් ශ්‍රමිකයින්ගෙන් මිලියන ගණනාවක් ඉන්නේ ළමුන් විධියට සලකන අය බව ඔයාල දන්නවද? මේ අන්න ඒ මාතෘකාවේ ජුගුප්සාජනකම පැතිකඩක් හෙළිදරව් කරන කතාවක්.

මේ සිනමාපටය වෙනුවෙන් මේ ලිපිය ලියන මොහොත වෙනකොට ජන්ද පනස් හයදහසක් ප්‍රකාශ වෙලා තියෙනව. ඒ 7.8ක් වගේ ඉහළතම අගයකට imdb මීටරය කරකවමින්. විචාරකයින් විසින් ලබාදෙන TOMATOMETER එකේ 60%ක අගයක් ලැබුනත් ෆිල්ම් එක බලපු ප්‍රේක්ෂකයින් ලබාදෙන AUDIENCE SCORE අගය 99%කට රඳවාගෙන සුපිරිම තැනක ඉන්න මේ ෆිල්ම් එක සමත් වෙනවා. මේ ඕඩියන්ස් ස්කෝර් එක සාධාරණ අගයක් කියන්න තියෙන සාක්ෂිය තමයි මේ සිනමාපටය ප්‍රදර්ශනය කිරීම ආරම්භ කරලා දවස් දෙකක් ඇතුලත මෙහි වියදමටත් වඩා ආදායමක් ලැබීම. ඉතිං මේ සුපිරි සිනමාපටයේ අධ්‍යක්ෂකවරයා වෙන්නේ . ඒ වගේම මෙහි ප්‍රධාන චරිතය වෙනුවෙන් දායක වෙන්නේ Jim Caviezel විසින්. ඔහු ප්‍රකාශ කරලා තියෙනවා The Passion of the Christ 2004 සිනමාපටයේ ජේසුගේ චරිතය රඟපෑවට පස්සේ තමන් රඟපාන වැදගත්ම චරිතය වෙන්නේ මේ චරිතය කියල. ඇත්තටම මේ සිනමාපටය වැඩ අවසන් කෙරෙන්නේ 2018. හැබැයි ඩිස්නිලා ෆොක්ස් ආයතනය මිලට ගැනීමත් එක්ක මේ සිනමාපටයේ ගිවිසුම් ගැන අවුලක් ඇවිල්ලා බෙදාහරින්නෙකු නොමැති කමින් ප්‍රදර්ශනය කිරීම කල් යනවා. ඒ නිසා මේක කලඑළි බහින්නේ 2023 වසරේදී. මේ සිනමාපටය ඩොලර් මිලියන 14ක වියදමකින් ඩොලර් මිලියන 200+ ආදායමක් ලබාගනිමින් 2023 වසරේ ආදායම අතින් සාර්ථකම සිනමාපටයක් බවට පත්වෙලා තියෙනව මේ වෙනකොට.

ඉතිං මොකක් ගැනද මේ කතාව එතකොට? Tim Ballard කියන්නේ ඇමරිකානු Homeland Security Investigations (HSI) නියෝජිතයෙක්. එයා තීරණය කරනවා රැකියාවෙන් ඉවත් වෙන්න. ඉවත් වෙලා එයා Vigilante කෙනෙක් වෙන්න තීරණය කරනවා. vigilante කෙනෙක් කියන්නේ රැකවලෙක් කියන අදහස එන වචනයක්. ඒ වචනයට හරියටම ගැලපෙන සිංහල වචනයක් නිර්මාණය වෙලා නැහැ. උදාහරණයකට කිව්වොත් බැට්මෑන්, ඇරෝ වගේ කෙනෙක් Vigilante කෙනෙක්.

Tim Ballard ගන්න ඒ තීරණය නිසා ලිංගික ශ්‍රමිකයින් වෙන්න හිටිය කුඩා දරුවන්, විවිධ වූ අපයෝජනයන්ට ලක් වෙන්න ඉඩ තිබුණු ළමුන් 3800+ මේ වෙනකොට බේරිලා තියෙනව. ඒ කොහොමද? මේ ලෝකේ මොන තරම් අධම තැනක්ද? එහෙව් අධම ලෝකයක ටිම් වගේ මිනිස්සු නිසා සුන්දර වෙන හැටි බලන්න පුළුවන් ඔයාලට. එහෙනම් තවත් ලස්සන ෆිල්ම් එකක් එක්ක ආයෙත් මුණගැහෙමු අපි.