Lucifer (2019) Sinhala Subtitles | සිංහල උපසිරසි සමඟ

ස්ටිෆන් නෙඩුම්පුල්ලි කියන්නේ කාටවත් කරදරයක් නැති, මහත්මා ගතිගුණ තියෙන මිනිසෙක්. තමන්ගේ ආශ්‍රයා අනාථ නිවාසය නිසාම කේරලයේ මිනිස්සු දෙවියෙක්ට වගේ සලකන මිනිහෙක් කියලා කිව්වොත් නිවැරදියි.

හැබැයි මේ හැමදේම වෙනස් වුනේ මහඇමති රාම්දාස්ගේ මරණයත් එක්ක..

හිස් වෙච්ච මහ ඇමති පුටුව කාටද හිමිවෙන්නේ?
කවුද මේ සායිඩ් මසුඩ් ?
ඇත්තටම ස්ටිෆන් නෙඩුම්පුල්ලි කියන්නේ කවුද ?

මේවට උත්තර මේ චිත්‍රපටයෙන් ලැබෙයි.

සබ ගන්න ඕනේ කට්ටිය පල්ලෙහාට යන්න.. හෑල්ල කියවන්න ඕනේ කට්ටිය මේ පොඩි හෑල්ල කියවන්නකෝ..

මේ වෙද්දී ඔයාලා එම්පුරාන් බලන්න ඇති නේ ඉතින්. හැබැයි සමහරු දන්නෙවත් නැතුව ඇති මේ එම්පුරාන් ෆිල්ම් එක තව චිත්‍රපටියක කොටසක් විදිහට එනවා කියලා.. මේ ගේන්නේ ඒ චිත්‍රපටයේ උපසිරැසිය. මේ වෙන එකක් නෙවෙයි.. මේ තමා ලුසිෆර්!

මේ චිත්‍රපටය තිරගත වෙන්නේ 2019 මාර්තු 28 වෙනිදා.. හරියටම මේ අවුරුද්දේ 28 වෙනිදට වසර හයක් සපිරෙනවා.. ඒ කියන්නේ අපේ එම්පුරාන් චිත්‍රපටය තිරගත වුනු දවසින් පස්සේ දවසේ. මේකේ අධ්‍යක්ෂණය කලේ රාජුඑට්ටන්, එහෙමත් නැත්නම් අපි කවුරුත් දන්නා ප්‍රිත්විරාජ් සුකුමාරන්ගෙන්. Bro Daddy, L2E එයාගේ අනෙක් අධ්‍යක්ෂණයන් වෙනවා. නිෂ්පාදනය ඇන්ටනි පෙරුම්බවූර් ගෙන්. සංගීතය දීපක් දේව් ගෙන්. තිර රචානය මුරලි ගෝපිගෙන්.

රංගනයෙන් මෝහන්ලාල්, මංජු වොරියර්, ටොවිනෝ තෝමස්, ඉන්ද්‍රජිත් සුකුමාරන්, ජෝන් විජේ, සායි කුමාර්, සචින් ඛේදෙකාර්, සානියා අයියප්පන් , ෆාසිල් වගේ අය ඉන්නවා..

විශේෂයෙන් මේ ෆිල්ම් එක විශේෂ වෙනවා එක්තරා අමුත්තෙක්ට.. මතකද රාජුඑට්ටන්ගේ කාඩුවා ෆිල්ම් එක..? ඒ ෆිල්ම් එකේ විලන් චරිතයට රගපාපු පොලිස් චරිතය මතකද? ඒක මතකයි නම් දැක්ක ගමන් අදුරගන්නවා .. වෙන කවුරුත් නෙවෙයි.. හින්දි නළුවෙක් වෙච්ච විවෙක් ඔබ්රෝයි.. මේ එයාගේ පළමු මලයාලම් සිනමා ආගමනය සනිටුහන් කරන චිත්‍රපටය තමයි මේ..

අනිත් දේ හොදම එක්කෙනා හම්බෙන්නේ අන්තිමටලුනේ. විශේෂ රංගනයෙන් මේ ෆිල්ම් එක නිෂ්පාදනය කරන ඇන්ටනි පෙරුම්බවූර් මහත්තයත් රංගනයට දස්සයාලුනේ.. ඉතින් ඩැනියෙල් රාවුත්තර් කියන චරිතය අවසානයේදී දකින්න පුළුවන් වෙනවා. (ලොකු වෙලාවකට නෙවෙයි හැබැයි.)

රේටින්ග් ගතහොත් IMDB අගය 7.5/10කුත් කුණු තක්කාලි අගය 40% කුත් ගූගල් පරිශීලක අගය 88% කුත් ඇමසන් ප්‍රයිම් පරිශීලක අගය 7.5/10කුත් අරගෙන තියෙනවා.

OTT නිකුත් කරන්නේ ඇමසන් ප්‍රයිම් එකෙන්. නිකුත් කලේ 2019 මැයි 16 වෙනිදා..

දැන් ඔයාලට මේ චිත්‍රපටය ගැන පුංචි කාරණා කිහිපයක් අරගෙන එන්නම්.

* සාමාන්‍යයෙන් ගොඩක් ෆිල්ම් වල කරන වැඩක් තමයි ලොකු මිනිස්සු ප්‍රමාණයක් පෙන්වන්න ඕනේ වුණාම පරිගණක සජීවිකරණ තාක්ෂණයේ පිහිටෙන් ඒ ෂොට් හදන එකනේ. හැබැයි මේ ෆිල්ම් එකෙත් ඔය වගේම තැනක් තියෙනවා.. නමුත් ඔයාල පුදුමෙනුත් පුදුම වෙයි.. මේකට මිනිස්සු 2000කට වැඩි පිරිසක් අරගෙන තියෙනවා කියලා කිව්වම. මේක ඇත්තටම දුර්ලභ අවස්ථාවක්.

* මේ ෆිල්ම් එක ඉන්දියාවේම විතරක් නෙවෙයි, ප්‍රංශයේ ලියොන් නගරය ආශ්‍රිතව, රුසියාවෙත් රූගත කරලා තියෙන්නේ. විශේෂයෙන් රුසියාවේ ගත්තොත් ඒ රූගත කිරීම් කලේ ඉතා සිතලාධික ප්‍රදේශ වල. ඉන්දියාවේ ගත්තොත් තිරුවන්තපුරම්, ඉඩුක්කි, එර්නාකුලම්, සහ කොල්ලම් නගර වලත්, මුම්බායි, බැංගලෝර් හා ලක්ෂව්දිප් යන පැති වලත් රුගත කිරීම් කරලා තියෙනවා.

* මේ ෆිල්ම් එකේ චරිත 27ක පෝස්ටර් එලියට දැම්මේ කලින් මේ ෆිල්ම් එකේ ප්‍රචාරණ වැඩ කටයුතු වලට සහයෝගයක් ගන්නයි. (හැබැයි එම්පුරාන් වල තව 9 දෙනෙකුත් මෙයට එක්කාසු කරගෙන තියෙනවා . සමහර අය දෙවෙනි එකේ නෑ.)

* 2022 දි මේ චිත්‍රපටයේමඅනුවර්තනයකුත් තෙලිගු සිනමාවේ අපිට දකින්න ලැබෙනවා.ඒ තමා GodFather. මේකේ රංගනයෙන් දායක වෙන්නේ තෙලිගු මෙගාස්ටාර් චිරන්ජිවී, හින්දි නළු සල්මන් ඛාන්, නයන්තාරා, පූරි ජගන්නාද් (චිත්‍රපටි අධ්‍යක්ෂක) සත්‍ය දේව් කන්චරාමා, මුරලි ශර්මා ඇතුළු පිරිසක් මේ චිත්‍රපටයේ රංගනයෙන් දායක වෙනවා.

මේකෙන් පස්සේ වුනු දේවල් සහ ලුසිෆර් ත්‍රිලොජි එක ගැන පොඩි විස්තරයක්:

* මේ චිත්‍රපටයේ සාර්ථකත්වයෙන් පස්සේ මේ චිත්‍රපටයේම දෙවැනි කොටසක් ගෙන්න ලොකු බලාපොරොත්තුවක් ප්‍රිත්විරාජ්ගේ ලග නැතත් පසු කාලෙක ප්‍රිත්විරාජ්ම නිවේදනයක් දෙනවා මේකෙම දෙවෙනි කොටසකුත් ගේනවා කියලා.. ඉතින් ඔයාලා මේ වෙද්දීත් සාර්ථකව තිරගත වෙන කෝටි 250ත් පන්නපු එම්පුරාන් කියන ෆිල්ම් එක තමයි මේ ඔයාලා තාමත් බලන්නේ.

* අනිත් දේ මේක තනිකරම ත්‍රිලොජි එකක්. මොකද දෙවෙනි එක ඉවර වෙද්දී තුන්වෙනි එකට ඉගියක් ලබා දෙනවා. තුන්වෙනි එක මොකක්ද කියලා ඇහුවොත් ඒ තමා L3: Azrael (තාම හරි නිවේදනයක් කලේ නෑ. වැඩ කටයුතු පටන් ගන්නවා කියලා නිවේදනයක් ගෙනැල්ලා තිබ්බා.). (විස්තරය: Lucifer Franchise: Wikipedia)

* මේ අනුව බලද්දී ලුසිෆර් ත්‍රිලොජි එක හැදෙන්නේ මෙන්න මෙහෙමයි.

• Malayalam